Afhayeenka Ciidamada Booliska Dowladda Federaalka C/llaahi Cumar Ibraahim (Shac shac ) ayaa sheegtay in dagaalkii shalay ka dhacay degmada Wabari ay qasaaro u geysteen kooxihii shalay Weerarka ku soo qaaday Saldhaiga, waxaana uu sheegay in ay ka dileen ilaa 5 Ruux sedax kalena ay qabteen sida uu hadalka u dhigay,waxa uuna qirtay in dagaalkaasi ay uga geeriyoodeen laba ka tirsan askarta Ciidamada booliska ee saldhiga degmada waabari.

C/raxiin Ciise Caddow oo isna u hadlay Maxkamadaha Islaamiga ayaa waxaa uu sheegay in dagaalkaasi ay ku dileen 8 ka tirsan Ciidamada booliska islamarkaana ay gubeen laba gawaari uu sheegay in ay la haayeen Ciidamada Booliska wuxuuna qirtay afhayeenkan in dhankooda dagaalkan kaga geeriyooday hal ruux.

Sheegashada Guulan ka sokow ilaa iyo hadda ma cadda khasaaraha labada dhinaca ka soo gaaray dagaalkaas

Xaaladda Degmada Waaberi ayaa saaka degan iyadoo isu socodka Gaadiidka iyo dadweynaha aan wax saameyn ah ku yeelan dagaaladii shalay gelinkii dambe halkaas ka dhacay

madaxey :-weriyaha
Ku Laabo