Dadweyne careysan ayaa meelaha qaar ka sameynayay banaan bax dhagxaan wata oo goob walba ay la dhacayeen, taasina ay keentay inuu xirmo ganacsiga suuqa oo idil.

Waxaa wadooyinka suuqa si aad ah u yaacaya boqolaal dhalinyaro ah oo u badan kuwa dan yar isla markaana ahaan jiray xamaalatada suuqa,waxaa ay xiran yihiin garamo iyagoona dhagxaan waa weyn ku tuuraya meel waliba oo ay arkaan iyadoo furan.
Ma jirto cid wali isku dayda in ay la hadasho ,laakin iyagu hadalkoodu waa Dhagax, mana aqbalayaan hanjabaada dadka qaarkood oo uga digaya in ay kuso turaan dhagxaanta,waxaa ay isku arkaan dad xaq u leh waxa ay ku kacayaan.

Ma jirto goob ganacsi oo saaka furan iyadoona suuqa oo dhan ay hareeyeen sawaxanka ah''Dooni Meyno''Damiir laawe dooni meyno''oo ay ku tilmaamayaan ganacsatada diidan qaadashada lacagaha dugga ah.

Iyagoo raxan raxan u soconaya ayay suuqa ku gaaf wareegayaan waxaana meel waliba oo dad ay ku arkaan ay kula macaamalayaan dhagax iyo cambareyn,sidaasi darteed ayaa meel waliba oo ay kusoo dhawaadaan laga kala cararayaa.

Muqaalka oo maanta ah Mid kacsan wuxuu u muuqdaa mid abuuri kara in dadka danyart ah ay labo wado mid u furanto waa mida koowaadee in ay arkaan lacagaha oo aan la kala sooceyn oo qof walba wuxuu arko wax ku iibsanaya iyo in ay ka quustaan waxa ay maanta hiigsanayaan oo ah in lacagaha la qaato.

Gudoomiyaha ganacsatada Suuqa Bakaaraha Cali Dheere waxaa uu bartmaha bakaaraha ku jeex jeexay Lacag dhan shan malyan oo u cusub ah, isagoo markaa ganacsatadu ugu baaqay in ay diidaan lacagaha cusub.
Dekeda Muqdisho ayaa ka mid ah meelaha saameynta ku yeelataya rabshadaha saaka ka bilowday Muqdisho, waxaa albaaba dekeda dhooban kumanaan ka soo tagay Xaafada Madina, iyagoo ka careysan diidmaha lacagaha shilin soomaaliga

madaxey :-weriyaha
Ku Laabo