(Allkheyraad) :-Shirkii madaxda dalalka AU:da ayaa shalay ka furmay magaalada Sirta e dalka Liibiya. Shirkaas oo looga hadlaayey mideynta dalalka Afrika iyo sidii wax looga qaban lahaa dhibaatoyinka waaweyn ee Afrika sida saboolnimada, dagaalada, aqoonyaridda iyo cuduradda.
 
Shirka ayaa waxaa sidoo kale kasoo qeybgalay madax kale oo ay kujiraan ninka madaxa ka ah jaamacadda carabta Caamir Muusa, waxaa kaloo joogay madaxweynaha dalka Brazil Silva Lulla iyo madax kale oo kasocotay EU:da. Madaxdii Afrikaanka ee shirka ka muuqday waxaa kamid ahaa madaxweynaha Zimbabwe Robert Mugabe iyo hogaamiyaha ANC ee dalka koonfur afrika Jacob Zuma iyo madaxweynaha Suudaan Cumar Al Bashiir.


Sidoo kale waxey aheyd markii ugu horeysay oo shirka AU:da lagu casumo dadka madaxda u ah bulshaweynta Afrika oo ah madax dhaqameedka sida Boqoradda iyo Salaadiinta.
 
Boqor C/laahi ayaa qoraal u gudbiyay forumka salaadinta Afrika, qoraalkaas oo diiradda lagu saarayey xaladda guud ee soomaaliya ee cakiran. Qoraalka boqorka wuxuu ku nuux nuuxsaday baahidda weyn ee loo qabo in lasoo celiyo awoodii odayaasha dhaqanka gaar ahaan meelaha dhibaatada kajirto ee Soomaaliya.
 
Hogaamiyaha dalka Liibiya ayaa wuxuu siiyey dowr weyn odayaasha dhaqanka Afrika, iyadoo laga bilaabayo iney odayaasha dhaqanka iyo hogaamiyaasha dalalka Afrika si wadajir uga qeybgalaan shirka AU:da markii ugu horeysay.
 
Dhanka kale wuxuu Boqorka la kulmay jaaliyadda soomaaliyeed ee dalka Liibiya iyagoo usoo gudbiyay iney dhibaatoyin badan qabaan, oo ay kamid tahay iney xabsiyadda kujiraan dad soomaaliyeed oo gaaraya labo kun oo qof.
              
              
              

Allkheyraad online
Ku Laabo